Kəklikotu həm ədviyyat, həm də təbii müalicə vasitəsi kimi orqanizmə çoxsaylı faydalar bəxş edir. Onun tərkibindəki vitaminlər, efir yağları və antioksidant maddələr immun sistemini gücləndirir, infeksiyalara qarşı müdafiəni artırır.
Foodinfo.az kəklikotunun faydalarını təqdim edir:
1. İmmuniteti möhkəmləndirir və xəstəliklərdən qoruyur
Kəklikotunun əsas tərkib hissələrindən olan timol və C vitamini bədəni bakteriya və viruslardan qoruyur. Kəklikotu çayı soyuqdəymə, qrip və öskürək zamanı bədəni rahatladır və sağalma prosesini sürətləndirir.
2. Həzm sistemini gücləndirir
Bu bitki mədə turşuluğunu tənzimləyir, qaz və qəbizlik problemini aradan qaldırır. Eyni zamanda, iştahanı artıraraq həzmi asanlaşdırır.
3. İltihab və ağrıları azaldır
Kəklikotu yağı iltihab əleyhinə təsiri ilə tanınır. Mütəxəssislər qeyd edirlər ki, bu yağ boğaz ağrısı, oynaqlarda və əzələlərdə yaranan ağrıları yüngülləşdirir.
4. Tənəffüs yollarına müsbət təsir edir
Kəklikotu buxarı bronxları açır və bəlğəmin çıxmasına kömək edir. Buna görə də bronxit və astma xəstələri üçün təbii dəstək vasitəsi hesab olunur.
5. Dəri və saç üçün faydalıdır
Bitkinin antibakterial xüsusiyyətləri sızanaq və iltihabların qarşısını alır, saçların sağlam böyüməsinə şərait yaradır və kəpəyi azaldır.
Kəklikotunun həddindən artıq istifadəsi qan təzyiqini aşağı salır və mədə turşusunu artırır. Buna görə də onu ölçülü miqdarda qəbul etmək tövsiyə olunur.
