Bayram günlərində valideynlərin ən çox etdiyi səhvlərdən biri uşaqların qidalanmasını nəzarətsiz buraxmaqdır. Foodinfo.az xəbər verir ki, pediatr Svetlana Borzakova Aif.ru-ya açıqlamasında uşaqların əsas yeməkləri buraxaraq yalnız konfet və meyvə yemələrinin təhlükəli olduğunu bildirib.

Mütəxəssis xatırladıb ki, şirniyyat yalnız əlavəyə xidmət etməli, əsas qida əvəzi olmamalıdır. Borzakova qeyd edib ki, balansı saxlamaq vacibdir, hətta 31 dekabr və 1 yanvar kimi bayram günlərində də. Əsas yemək yeyildikdən sonra uşağa şirniyyat vermək daha məqsədəuyğundur. Bu üsul həm sağlamlığı qoruyur, həm də bayramın zövqünü tam şəkildə yaşamağa imkan verir.

Həkim əlavə edib ki, şirniyyatla yanaşı qazlı içkilərin də miqdarına nəzarət edilməlidir. Onların əvəzinə daha faydalı alternativlər seçmək uşağın mədə-bağırsaq sistemini bayram günlərində yormamaq üçün vacibdir.