Psixiatr-narkoloq, Marşak Klinikasının baş həkimi Dmitri Vaşkin bildirib ki, şəkər əvəzediciləri aclıq hissini artırır və bununla da həddən artıq yeməyə kömək edir.
Foodinfo.az xəbər verir ki, “RİA Novosti” ilə söhbətində ekspert qeyd edib ki, şəkər əvəzediciləri olan qida və içkilər istehlak edildikdə yalnız şirin dad hissi yaranır, əslində isə qlükoza orqanizmə daxil olmur.
"Nəticədə şəkərlə eyni toxluq hissi almırıq, lakin sistemli insulin həssaslığı qanda şəkərin səviyyəsini artırmaq və qlükoza əldə etmək üçün aktivləşir. Bu da öz növbəsində şəkərli diabetin inkişaf riskinin artmasına səbəb olur", - deyə həkim bildirib.
Mütəxəssisin fikrincə, dadlandırıcılar olan məhsulların daimi istehlakı aclıq və toxluğa nəzarət mexanizmlərinin pozulmasına səbəb olacaq.
Mütəxəssis əlavə edib ki, nəticədə insan şirin qidalara üstünlük verərək ümumilikdə daha çox yemək yeyəcək.
