Yay fəslində orqanizmin su balansını qorumaq xüsusilə vacibdir. Foodinfo.az sport.kz-ya istinadla bildirir ki, bu dövrdə su tərkibi yüksək olan qidalar həm susuzluğu aradan qaldırır, həm də enerji verir. Xiyar, tərkibindəki 96% su ilə orqanizmin əsas nəm qaynaqlarından biridir.
Qarpız C vitamini və likopenlə zəngindir, bədəni sərin saxlayaraq günvurma hallarının qarşısını alır. Çiyələk həm susuzluğu yatırır, həm də dərini təravətləndirir. Pomidor, su və antioksidant baxımından zəngin olub yay mətbəxinin əvəzsiz məhsuludur.
Portağal orqanizmdə elektrolit balansını təmin edərək yorğunluğun qarşısını alır. Ananas, bromelain maddəsi ilə həm orqanizmi nəmləndirir, həm də həzmi asanlaşdırır. Şaftalı isə A və C vitaminləri ilə dəriyə təbii parlaqlıq bəxş edir.
Bu məhsullar yay günlərində sağlam qidalanma və bədənin tarazlıqda qalması üçün əvəzolunmaz seçimlər sayılır. Gün ərzində bol su ilə yanaşı, bu qidalar orqanizmin təbii ehtiyacını qarşılamağa kömək edir. Yayda bu məhsulları rasiona əlavə etmək həm sağlamlıq, həm də enerji baxımından vacibdir.
