Bağırsaqlara mənfi təsir göstərə, “kif” əmələ gəlməsinə, hormonal balanssızlığa, saç problemlərinə və digər fəsadlara səbəb olan yulafın zərərləri barədə internetdə məlumatlar yayılıb.

Foodinfo.az xəbər verir ki, dietoloq Liza Afinskayanın Telegram kanalında yazdığı kimi, bu ifadələrin heç biri elmi məlumatlara əsaslanmır.

Yulaf elmi araşdırmalara görə, sağlam həzmi qorumağa kömək edir, şəkərli diabetdə qan şəkərini və pis xolesterinin səviyyəsini aşağı salır.

Onun sözlərinə görə, təxminən 20-30 dəqiqə bişirilən yulaf və ya dənli bitkilər kimi ən az emal edilənlərin həzm edilməsi daha uzun sürür və daha aşağı glisemik indeksə malikdir.

Ancaq bişirmək üçün cəmi bir neçə dəqiqə çəkən yulafdan çəkinmək daha yaxşıdır. Bu halda, söhbət taxılın struktur bütövlüyü pozulmuş yüksək emal olunmuş məhsuldan gedir.

"Bu, qan şəkəri və insulin səviyyəsinə mənfi təsir göstərə bilər", - diyetoloq elmi araşdırmanın nəticələrinə istinad edərək qeyd edib.