Qış depressiyası və ya mövsümi affektiv pozuntu, əsasən payız və qış aylarında ortaya çıxan, gün işığının azalması ilə əlaqəli bir depressiya növüdür.
Foodinfo.az qış depressiyayasının əlamətlərini təqdim edir:
- Daimi yorğunluq və halsızlıq
- Yuxu rejiminin pozulması (çox yatmaq və ya yuxusuzluq)
- Motivasiyanın azalması və həvəssizlik
- Karbohidratlı və şəkərli qidalara meyillilik
- Həyatdan zövq almamaq və həddindən artıq kədər hiss etmək
Bəs qış depressiyayasının səbəbləri nələrdir?
- Gün işığının azalması ilə bədənin serotonin səviyyəsi düşür və bu da depressiyaya səbəb olur.
- Günlər qısaldıqca melatonin səviyyəsi artır, bu isə insanı daha yuxulu və enerjisiz edir.
- Günəş işığının az olması D vitamini çatışmazlığına səbəb olur, bu da əhval-ruhiyyənin aşağı salır.
Qış depressiyasını necə azaltmaq olar?
- Gün işığından maksimum istifadə edərək açıq havada çox vaxt keçirin.
- Düzgün qidalanın. Omeqa-3, D vitamini və proteinlə zəngin qidalar yeyin.
- Fiziki aktivlik edin. İdman serotonin səviyyəsini artıraraq depressiya əlamətlərini azaldır.
- Süni işıq terapiyası (Light Therapy) istifadə edin, bu xüsusi işıq lampaları qış depressiyasının təsirini azaldır.
- Ailə və dostlarla vaxt keçirmək ruh halını yaxşılaşdırır.
Qış depressiyası fizioloji və psixoloji səbəblərdən yaranan mövsümi əhval düşkünlüyüdür. Düzgün tədbirlər görülərsə, bu vəziyyətin təsirləri azaldıla bilər. Əgər əlamətlər şiddətlidirsə, mütəxəssis köməyi almaq vacibdir.
