Soyuq havalarda insanlar tez-tez immuniteti dəstəkləmək üçün sitrus meyvələrinə üstünlük verirlər. Foodinfo.az xəbər verir ki, Sports.kz-in Aif.ru-ya istinadən yaydığı məlumata görə, qış aylarında mətbəxlərdə ən çox mandarin və portağal rast gəlinir. Mandarinin dadı Yeni il əhval-ruhiyyəsi yaradır, portağal isə qış mövsümünün daimi yoldaşı hesab olunur.

Hər iki meyvə elmi tədqiqatlarla öyrənilib və bir sıra sağlamlıq faydaları sübut olunub:

• Oksidləşmə stresini və iltihabı azaldır;

• Normal qan təzyiqini dəstəkləyir;

• Ürək-damar xəstəlikləri riskini azaldır;

• Həzm və immun sistemi üçün faydalıdır;

• Antikancer xüsusiyyətlərinə malikdir.

Üstəlik, portağal dərinin sağlamlığını yaxşılaşdırır və yaraların sağalmasına kömək edir. Qırmızı portağallar xüsusilə bu göstəricilərə görə qiymətlidir.

Elm adamlarının qənaətinə görə, ümumilikdə portağal bir qədər daha faydalıdır, çünki C vitamini, fol turşusu, kalium, lif və hesperidin baxımından zəngindir. Mandarinin üstünlüyü isə karotinoid tərkibindədir.

Diabet xəstələri üçün portağal daha münasib hesab olunur: 200 qramlıq bir portağal yeməklə, eyni çəkidə iki mandarinə nisbətən daha az şəkər qəbul edilmiş olur.

Nəticə olaraq, hər iki meyvə faydalıdır, ona görə həm mandarini, həm də portağalı qida rasionuna daxil etmək tövsiyə olunur. Portağal bir qədər daha çox fayda verir, mandarinin isə şirin dadı və karotinoid tərkibi insanı sevindirir.