Payız pomidoru yay mövsümünün sonunda yetişən daha dolğun və dadlı olan pomidor növüdür. 

Foodinfo.az xəbər verir ki, bu dövrdə yetişən pomidorlar daha qalın qabıqlı, şirin və bir qədər turş dadlı olur.

Payız pomidoru, xüsusilə salatlarda, souslarda və müxtəlif yeməklərdə istifadə üçün idealdır, çünki tərkibindəki suyu daha azdır, dadı isə daha konsentratdır.

Bu fəsildə pomidor istehlak etmək bədənin ehtiyacı olan A və C vitaminləri, likopen və antioksidantları təmin edir. Bu maddələr immunitet sistemini gücləndirir, dəri sağlamlığını qoruyur və ürək-damar xəstəliklərinin qarşısını alır. Payızda təzə pomidorun qış üçün konservləşdirilməsi də geniş yayılmışdır, çünki bu dövrün pomidorları qış tədarükü üçün çox uyğundur.