Emal edilmiş və qablaşdırılmış qidaların uzun raf ömrü var, bütün bunlar onlara əlavə edilən əlavələr və qoruyucu maddələrə görədir. Bəs heç düşünmüsünüzmü, niyə bizim evdə hazırlanmış turşular, mürəbbələr və hətta bəzi qəlyanaltılar kimyəvi tərkibli konservantlar əlavə edilmədən uzun müddət saxlanılır?
Foodinfo.az evdə hazırlanmış yeməklərin saxlama müddətini uzadan ümumi inqrediyentləri təqdim edir:
Duz təbii qida konservantıdır ki, turşuları aylarla təzə saxlayır, həm də ət və bişmiş yeməyi bir neçə gün saxlamağa kömək edir. Duzun əsas vəzifəsi qidanı bakteriya, maya və kiflərin qarşısını almaqdır. Bir sözlə, duz mikrobları susuzlaşdıraraq yeməyi xarab olmaqdan qoruyur.
Turşulara tez-tez zəncəfil və sarımsaq əlavə edilir, çünki onlar təkcə dad artırmaqla yanaşı, məhsulun saxlama müddətini də gücləndirirlər. Sarımsaq bakteriyalarla mübarizədə kömək edən böyük anti-viral xüsusiyyətlərə malikdir. Digər tərəfdən, zəncəfil bakteriyaların qarşısını alan antimikrobiyal xüsusiyyətlərə malikdir.
Fermentasiya edilmiş qida uzun saxlama müddəti ilə tanınır və əksər qidalarda fermentasiyadan məsul olan əsas tərkib sirkədir. Sirkənin tərkibində olan sirkə turşusu mikrobların fəaliyyətinə maneə törətməyə kömək edir ki, bu da qidanın xarab olmasının qarşısını alır. Turşu və Souslar kimi qida məhsullarına sirkə əlavə olunur ki, bu da onların raf ömrünü artırır.
Rosemary (bibəriyyə) ekstraktı karnosik turşu və rozmarin turşusu adlı müəyyən antioksidanları ehtiva edir. Bu antioksidantlar təbii konservantlar kimi fəaliyyət göstərir və ətin saxlanma müddətini uzatmağa kömək edir. Rosemary ekstraktı ətin təbii yağının xarab olmasının qarşısını alır.
Limon suyu mətbəxlərimizdə tez-tez istifadə olunan başqa bir təbii qoruyucudur. Sitrus şirəsinin tərkibində müxtəlif qida məhsullarının oksidləşməsinin və rənginin dəyişməsinin qarşısını alan askorbin turşusu kimi tanınan C vitamini var. Qidaların əksəriyyəti əsasən mikroblar, bakteriyalar, maya və kiflər tərəfindən xarab olur. Bütün bu xarabedici maddələr turşu mühitlərdə inkişaf edə və çoxala bilməz və beləliklə, qida qorunar.
Şəkər də təbii qoruyucudur və funksiyası duzunkuna bənzəyir. Şəkər həmçinin qidanı korlaya bilən mikrobları, bakteriyaları və mayaları susuzlaşdırır. Daha çox evdə hazırlanmış mürəbbələri, sousları və marmeladları qorumaq üçün istifadə olunur.
Şəbnəm
